روايه كاملة للكاتبة هاجر العفيفي (رد فعل)
رفضت رفض تام انها ترجع لأحمد وبالفعل طلقها رسمي على إيد مأذون بعد محاولات كتير معاها بس كلها أبت بالرفض
حامد أبوه سافر بعيد عن البلد بسبب أن هو مش قادر يبص فى عين أخوه بعد ال حصل من ابنه
سلمي عمها سابها مع أمها بعد لما قررت انها مش هتتجوز ابدا وهتفتح حضانه وهتعيش حياتها وسط الاطفال وقررت تتوب الي الله بعد غلطها الكبير
ريتال لاء ياحبيبتى بتتحل كده مش كده
منه ماما ضفريلي شعرى زي تالين صاحبتي
ريتال بابتسامه بس كده عيوني
راضي بابتسامه ربنا يخليكي ليهم ياحبيبتى
ريتال بحب ويخليك لينا ياحبيبي انت وماما
أحلام بتردد جارتنا كانت جايبه ليكي عريس ابن ناس وكويس و
قاطعتها ريتال وقالت بهدوء وحب لبناتها حبايبي ادخلوا جوه وانا هجيلكم دلوقتي
أحلام بحنان والله يابنتي أنا قولتلك ال حصل إنما أنا مستحيل أجبرك على حاجه ابدا انا عارفه بنتي عاقله وبتاخد قرارتها ازاى
ريتال ابتسمت وقامت باست ايد أمها وأبوه وقالت ربنا يعطيكم الصحه والعافيه يارب ويخليكم ليا
ريتال استأذنت منهم ودخلت لبناتها وقالت عاملين ايه
تسنيم ومنه بفرحه شوفتي ياماما رسمنا ايه
ريتال بإعجاب الله جميله اوي صحيح جدو أن شاء الله هياخدكم يوم الخميس تشوفوا بابا وهتيجوا تاني
تسنيم بزعل بس احنا مش عايزين نروح ونسيبك ياماما
ريتال حضنتهم وقالت لاء هزعل منكم كده بابا ليه الحق عليكم زي بالظبط يعني لازم تشوفوه وتسألوا عنه علشان ربنا ميزعلش منكم
تسنيم ببراءه اتفقنا ياماما واحنا مش عايزين ربنا يزعل مننا
ريتال ضمتهم بحنان وقالت حبايبي ربنا يخليكم ليا ويحفظكم من كل سوء ومكروه يارب يا أغلى حاجه فى حياتي
تمت بحمد الله
