قصه تقبلني فاحببته بقلم الكاتبه هاجر جمال
المحتويات
كنت قاعدة في عيادتي وبقلب في الفون بعد ما خلصت شغلي والناس مشيت منا زي كل يوم بفضل أعالج في نفسية الناس وأنا مش لاقية حد يعالج نفسيتي المهم لقيت أمي بترن عليا فرديت
_ألو يا ماما
_ألو يا وردة أنت فين خرجت من العيادة ولا لسة
_لسة يا ماما في حاجة!
_أه في عريس جايلك النهاردة بالليل يلا بقا همي كدا وتعالي علشان تلحقي تجهزي
_وردة أنت هتجنيني معاك ليه
قطعت كلامها ورديت
_ماما اقفلي دلوقتي وأنا جاية وهنتكلم
قفلت معاها ولمېت حاجتي وقفلت العيادة ومشيت روحت البيت لقيتها قاعدة مستنياني وكعادة أي يوم بيجيلي فيه عريس لازم ندب خناقة كبيرة علشان أقابله يلا مش مشكلة خناقة تفوت ولا حد ېموت
مشيت على أوضتي عالطول لأني مش حمل أي مناقشة بس هي مصرة نتخانق وقفتني لما نادت عليا
_خير يا أمي
_أنا عايزة أعرف هتفضلي ترفض العرسان لحد امتى يابنت العمر بيجري
_ماما هسألك سؤال هو شافني!
_لا
_يعرفني!
_لا
_يبقى جاي زيه زي إلل قبله جاي علشان عايز واحدة تعليمها عالي ولما يشوف إلل تعليمها عالي ينصدم وميجيش تاني
كنت حاسة إن الدنيا كلها بتلف بيا وإني مليش حق أعيش في بلد زي دي بلد سطحية بتحكم بمعايير الشكل والمظهر وكل مشكلتي في الحياة إني تخينة هل التخن عيب! هل احنا كبنات ملناش حق زينا زي بنت بتفرح لما يجيلها عريس! لملمت شتات نفسي علشان مينفعش أضعف منا دكتورة نفسية إزاي اضعف وأنا بقوي شخصيات غيري
_لا أنا مش وحشة أنا أحلى واحدة في الكون بس دا في عيون نفسي مش في عيون الناس وأنا مش هقعد مع حد وأحط نفسي في موقف بايخ ويقوم مكسوف ومش عارف يقول أني حجة علشان ميجيش تاني
_يابنت التخن عمره ما كان عيب
_العيب مش في تخن العيب في مجتمعكو العيب في عقولكم وعيونكم إلل بتشوف الناس من برا
_التجربة فشلت من زمان أوي أسفة كان فيه منه وخلص لما يجي قوليله أنت مريض وأنا مش علاجك
سبتها ودخلت أوضتي بعد عناء كبير بيني وبين نفسي علشان بس معيطش قدامها ليه مش من حقي أعيش في بيت مليان حب وراجل ېخاف عليا ويحسسني إني أعظم انتصاراته ولما الناس يسألوه الجواز حلو يرد يقول أنا أخدت إلل بتحلي الجواز يااااااااه أمنيات كتيرة أوي بس صح زي مابيقولو الطموح حلو
العريس اترفض وأنا في حياتي زي ما أنا مفيش جديد وفي يوم وأنا في عيادتي دخلت عليا حالة وزنها زيادة ومعندهاش ثقة في نفسها وتقريبا حالتها
متابعة القراءة
